Ti anôk bi kƀĭn, phung bi ala hmư̆ leh Klei bi mklă mkŏ mjing Êpul ksiêm dlăng, hluê anăn, Khua bruă Đảng Knŭk kna, Khua knŭk kna Phạm Minh Chính ngă Khua êpul nao ksiêm dlăng mrô 1908 lehanăn Khua bruă Đảng anôk bruă kƀĭn ala, Khua bruă kƀĭn ala Trần Thanh Mẫn ngă Khua êpul ksiêm dlăng mrô 1910. Mta phŭn ksiêm dlăng mđing kơ dŭm bruă msĕ si: Bruă ksiêm wĭt Hdră mtrŭn mrô 18, hruê 25/10/2017 mơ̆ng Anôk kriê dlăng bruă Đảng gưl dlông tal XII “Dŭm bruă lŏ dơ̆ng mlih mrâo, mkŏ wĭt anôk bruă kđi čar khuăt, ngă bruă tŭ dưn” lehanăn Klei klah čŭn mrô 121, hruê 24/1/2025 mơ̆ng Anôk kriê dlăng bruă Đảng gưl dlông kơ hdră ksiêm wĭt Hdră mtrŭn mrô 18, mguôp hŏng bruă mkŏ mjing lehanăn hdră mă bruă mơ̆ng Anôk bruă Đảng mrâo. Blŭ hrăm ti Klei bi kƀĭn, Khua knŭk kna Phạm Minh Chính brei thâo, kñăm hluê ngă klei gĭt gai anei, bruă Đảng Knŭk kna mâo leh hdră kčah ksiêm dlăng êlâo.

Hluê anăn, bruă Đảng dŭm anôk bruă knŭk kna brei mjêč ksiêm dlăng, hâo mdah kluôm klei ksiêm dlăng,ba mơĭt kơ êpul ksiêm dlăng. Khua knŭk kna čang hmăng, bruă Đảng hlăm bruă kƀĭn ala, hlăm knŭk kna hluê ngă pral, mâo hnơ̆ng tŭ jăk djŏ si klei kčah mtrŭn./.