Hưn mthâo klei mkŏ mjing ƀuôn prŏng Huế dôk hlăm gưl dlông
Thứ ba, 08:46, 31/12/2024
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Ti ƀuôn prŏng Huế, čar Thừa Thiên Huế mkŏ mjing leh knăm hưn mdah hdră mtrŭn mơ̆ng anôk bruă kƀĭn ala, kơ klei mkŏ mjing ƀuôn prŏng Huế dôk hlăm gưl dlông, lehanăn bi êdah hdră mtrŭn mơ̆ng Dhar bruă gĭt gai bruă kƀĭn ala kơ bruă dăp wĭt êpul êya gưl kdriêk, să hlăm ƀuôn prŏng Huế wưng thŭn 2023-2025.
Blŭ hrăm hlăm knăm mkŏ mjing anei, Khua bruă kƀĭn ala Trần Thanh Mẫn mñă, bruă anôk bruă kƀĭn ala gưl 15 mâo leh hdră mtrŭn mrô 38 hlue ngă dŭm hdră êlan klei bhiăn kơ bruă mđĭ kyar čar Thừa Thiên Huế, hlăm anăn čoh čuăn dŭm hdră êlan, klei bhiăn kiă kriê ngăn prăk knŭk kna, prăk tăk bruă hiu čhưn ênguê, lehanăn bruă kriê pioh knhuah gru dhar kreh Huế, mjing knơ̆ng kơ klei mđĭ kyar kjăp bruă duh mkra ala ƀuôn, bruă răng mgang klei êđăp ênang, bi kna jih jang bruă hŏng klei kjăp.
Khua bruă kƀĭn ala Trần Thanh Mẫn mtă kơ dŭm gưl bruă Đảng, bruă sang čư̆ êa ƀuôn prŏng Huế mâo hdră bi mngač, mghaih msir jih jang klei dleh dlan, klei lông dlăng jing ƀuôn prŏng dôk hlăm gưl dlông./.
Viết bình luận