Hluê anăn, Êpul khua bruă klam bi klă ruah mdưm Huỳnh Thị Chiến Hoà, Khua hlăm bruă Đảng čar, khua Êpul gơ̆ng bruă ƀuôn sang čar Dak Lak păn ngă k’iăng khua bruă Đảng čar wưng thŭn 2020 – 2025.

Huỳnh Thị Chiến Hoà, kkiêng hruê 18/4/1973, ƀuôn phŭn ti Quãng Ngãi. Êlâo kơ ruah mdưm păn ngă k’iăng khua bruă Đảng čar Dak Lak, ñu tuôm păn ngă K’iăng khua knơ̆ng bruă hdră êlan leh anăn duh bi liê čar Dak Lak, khua kiă kriê knơ̆ng bruă hŏng tač êngao čar Dak  Lak, Khua hlăm êpul bruă Đảng, Khua êpul bruă hâo hưn čar Dak Lak, khua Êpul gơ̆ng bruă ƀuôn sang čar Dak Lak. blŭ hrăm đĭ păn bruă, Huỳnh Thị Chiến Hoà brei thâo, ñu srăng gĭr jih ai tiê hlăm bruă păn mrâo, hmar ngă dŭm bruă klam mrâo mbĭt hŏng êpul khua gĭt gai čar Dak Lak, bi mguôp, sa ai, hnưm ba čar Dak Lak đĭ kyar hơĭt kjăp.