Hlăm hdră bi hdơr 78 thŭn Hruê mkŏ mjing, aguah hruê 7/9, Sang mđung asăp blŭ Việt Nam jao leh Klei pah mni Sang mđung asăp blŭ Việt Nam – Mtŭ mlan 9, bi mni kơ dŭm êpul, mnuih mâo klei đru mguôp hlăm hdră “Mdrŏng sah mơ̆ng êa ksĭ ala čar” lehanăn Mtrŭt mjhar hdră bi lông mđing truh kơ knăm bi hdơr 8- thŭn hruê mkŏ mjing. Dưi mkŏ mjing grăp thŭn, Klei pah mni Sang mđung asăp blŭ Việt Nam bi mni kơ mnuih mâo lu klei đru mguôp kơ “Sang mđung asăp blŭ Việt Nam”.

Klei pah mni anei dưi jao kơ mnuih êpul mâo klei čih, klei yăl dliê, hdră mnêč, ksiêm hriăm kreh knhâo kdlưn hĭn, phung nghệ sỹ mă bruă čih mčeh, rang mdah, phung mă bruă mđung asăp, phung gai hdră thâo mbruă hĭn. Knăm anei kñăm bi mni, mđĭ ai klei mĭn mrâo, čih mčeh, mlih mrâo hlăm djăp hdră mă bruă mơ̆ng Sang mđung asăp blŭ Việt Nam. Thŭn anei, Sang mđung asăp blŭ Việt Nam jao 6 klei pah mni êa Mah, 9 klei pah mni êa Prăk lehanăn 9 klei pah mni êa kông. Gưl anei, Khua knơ̆ng Sang mđung asăp blŭ Việt Nam jao leh Hră pah mni kơ 8 êpul lehanăn mnuih mâo klei đru mguôp hlăm hdră “Mdrŏng sah mơ̆ng êa ksĭ ala čar”. Anôk bruă ti Lăn dap kngư mâo klei pah mni êa Mah hŏng klei čih “Bluh đĭ ênhă pla boh durian ti Lăn dap kngư – Klei truh amâo jăk lehanăn klei găl mâo” mơ̆ng Dương Đình Tuấn pô čih./.