Leh 7 thŭn yap mơ̆ng hruê rŭ mjing, êlan dơ̆ng Ngŏ Yŭ ƀuôn prŏng Ƀuôn Ama Thuôt, čar Dak Lak, mrâo mâo dŭm hruê ngă bruă mjêč. Klei kpĭ mơ̆ng bruă sang čư êa ƀuôn prŏng mdưm kơ phung mkra mjing hlăm wang mkrah mlan.Êlan dơ̆ng mâo ênoh êbeh 1.200 êklai prăk srăng dưi ba yua, đru kơ knăm mơak kphê Ƀuôn Ama Thuôt tal 8 thŭn 2023.

Klei kpăk prŏng hĭn jing lăn tuh kơ êlan anei mơ̆ng êlan Đinh Tiên Hoàng-Lê Duẩn găn kban Ea Tam dưi mgaih msir leh mơ̆ng knhal jih thŭn êlâo. Ară anei, êdeh êdâo dưi găn êrô leh ti kban. Êlan dơ̆ng Ngŏ Yŭ mâo boh taih 6,9 km amâo djŏ knŏng bi jĕ êlan mơ̆ng tač êdeh phiơr Ƀuôn Ama Thuôt truh Ƀuôn Ama Thuôt, ƀiădah lŏ pŏk sa wăl đĭ kyar mrâo kơ krĭng nah Dhŭng. Mơ̆ng êlan dơ̆ng anei, srăng dưi ktuê dlăng kluôm ƀuôn prŏng Ƀuôn Ama Thuôt, nao mbĭt hŏng klei siam ênao êa tam dôk dưi rŭ mjing hŏng wăl ƀuôn prŏng bruă mdrao mgŭn hlăm hdră čuăl mkă mđĭ kyar ƀuôn prŏng truh ti thŭn 2023.