Mơ̆ng hruê 1/3, bruă mkăp mrâo lehanăn lŏ wĭt mkăp hră dưi mgăt êdeh dưi jao mơ̆ng Knơ̆ng bruă Êlan klông dŭ mdiăng (ară anei jing Knơ̆ng bruă Rŭ mdơ̆ng) kơ anôk bruă kahan ksiêm dŭm čar, ƀuôn prŏng hlăm kluôm ala. Ti čar Dak Lak, leh êbeh 20 hruê pŏk ngă, kahan ksiêm čar tŭ mă lehanăn msir mghaih leh êbeh 1.500 hră akâo mkăp mrâo lehanăn lŏ wĭt mkăp hră dưi mgăt êdeh kơ mnuih ƀuôn sang.

Mơ̆ng krah mlan 2/2025, Kahan ksiêm čar Dak lak gĭt gai leh Adŭ bruă kahan ksiêm êlan klông, kahan ksiêm să, ƀuôn hgŭm bi mguôp hŏng Knơ̆ng bruă rŭ mdơ̆ng mkŏ mjing hdră ba jao kdrăp mnơ̆ng, maĭ mŏk mkăp kơ bruă kriê dlăng, bi mklă klei dưi mkăp hră dưi mgăt êdeh. Mbĭt anăn, pŏk hdră nao ksiêm dlăng anôk bruă nah gŭ ti Knơ̆ng bruă lehanăn 3 anôk bi lông kơ bruă mkăp hră dưi mgăt êdeh ti alŭ wăl čar, pŏk ngă mơ̆ng hruê 1/3. Leh êbeh 20 hruê pŏk ngă, truh kơ ară anei, kahan ksiêm să, ƀuôn hgŭm tŭ mă leh 248 hră mơar, adŭ bruă kahan ksiêm tŭ mă giăm 1.300 hră mơar lehanăn mkăp mrâo, lŏ mkăp wĭt kơ êbeh 1.000 čô./.