Mĭn tĭng srăng tŭ mă 6.000 hnơ̆ng êrah, Knăm mơak anei mâo klei hưn “Myơr êrah akŏ yan mnga – mđĭ hĭn klei yâo mơak” mơ̆ng Anôk bruă ksiêm duah – bi mbŏ êrah gưl dlông bi mguôp hŏng Êpul hgŭm phung hđeh êdam êra mtrŭt mjhar klei myơr êra Hà Nội mkŏ mjing. Găn 15 gưl mkŏ mjing, hŏng êbeh 100.000 hnơ̆ng êrah. Knăm mơak yan mnga hrah dôk bi lar ai lar bra, bi râo dŭm êbâo ai tiê thâo khăp hlăm yang ƀuôn, mbĭt anăn jing klei hmăng hmưi mơ̆ng dŭm êbâo čô mnuih ƀuôn sang čiăng đru mguôp bruă jăk hlăm mlan 1.

K’iăng khua nai prŏng, nai prĭn Nguyễn Hà Thanh, khua kiă kriê Anôk bruă ksiêm duah – bi mbŏ êrah gưl dlông brei thâo, êlâo kơ knăm mơak klă klơ̆ng kčưm pŏk, 2 mlan êgao Anôk bruă ksiêm duah – bi mbŏ êrah gưl dlông dưi tŭ mă leh giăm 60.000 hnơ̆ng êrah doh đru kơ bruă dŏng mdrao, mdrao êlâo leh anăn hlăm Tết nguyên đán Quý Mão.