Hruê 23/10, khua anôk bruă sang čư̆ êa kdriêk Bảo Lâm, čar Lâm Đồng gĭt gai anôk bruă djŏ tuôm nao ksiêm dlăng čư̆ kđang mdua ti alŭ 4, să Lộc Tân. Hluê klei ksiêm dlăng, čư̆ anei mâo êlan kđang prŏng hlăm brô 1,5m, dlông dŭm êtuh met mơ̆ng dlông čŏng čư̆ truh kơ gŭ jơ̆ng čư̆. Djiêu gah găn mâo anôk klưh hroh, lu klŏ boh tâo prŏng truh dŭm pluh ton huĭ srăng lĕ ti gŭ alŭ Cốc hlăm ya mmông.

Đặng Văn Hân, ti alŭ 4, să Lộc Tân brei thâo, alŭ Cốc mâo hlăm brô 20 gŏ sang hfĭp mda. Dŭm hruê, krĭng anei mâo lu mnuih nao hrui êmiêt cê lehanăn găn êrô ti gŭ jơ̆ng čư̆ anei. Leh ƀuh čư̆ anei kđang mdua, mnuih ƀuôn sang dôk amâo hơĭt pĭt amâo mđao. Anôk bruă sang čư̆ êa kdriêk BẢo Lâm gĭt gai leh êpul djŏ tuôm să Lộc Tân pơ̆ng pŏk mdhă brei răng lehanăn hluê ngă dŭm hdră msir gang mkhư̆ klei huĭ hyưt tơdah mâo./.