Tui si hdră, Khánh Hòa ktưn mkŏ mjing bruă lŏ hma mâo boh tŭ dưn, dưi mkăp djăp mnơ̆ng ƀơ̆ng huă, čiăng atăt čar jing ƀuôn prŏng gưl dlông hlăm thŭn 2027. Dưn yua ktang klei găl mơ̆ng bruă duh mkra êa ksĭ, mđĭ kyar bruă rông kan hdang djăp ênoh čuăn gưl ala čar, mâo hdră êlan mkra mjing kan hdang djăp ênoh čuăn ênuk mrâo, lehanăn kjăp. Čar čoh čuăn mđĭ bruă lŏ hma, dliê kyâo mnơ̆ng hlăm êa êbeh 3% grăp thŭn.

Truh thŭn 2030, boh tŭ hlăm alŭ wăl mâo hlăm brô 8,5% ênoh jih jang bruă duh mkra. Êpul khua kiă kriê bruă Đảng čar mtrŭn leh truh 7 êpul bruă čuăn, hdră mă bruă phŭn, mtă kơ dŭm gưl, dhar bruă hlue ngă bi mđrăm, mjing klei bi mlih kjăp hlăm klei mđĭ kyar bruă lŏ hma, krĭng ƀuôn sang hlăm wưng tinăp./.