Êpul kiă kriê klei ruah khua čar mkŏ mjing leh 4 ksiêm dlăng klei bi tuôm hŏng mnuih ƀuôn sang, rơ̆ng bi djŏ klei bhiăn lehanăn êđăp ênang. Truh kơ ară anei, mâo leh  65/65 boh ƀuôn hgŭm alŭ wăl knơ̆ng hlăm čar Khánh Hòa bi leh jih jang bruă prăp êmiêt, mblir anăn mnuih ruah khua, čih hưn klei hdĭp lehanăn bruă knuă mnuih mgơ̆ng ruah.

Dŭm alŭ wăl lŏ ksiêm yap ênoh mnuih hiu trah mă kan kbưi, hlue ngă bruă čuăn lĭng kahan, êkŭt mơ̆ng sang... kñăm rơ̆ng klei ruah khua kơ jih jang mnuih dưi djăp ênŭm, amâo mâo klei soh čhuai. mbĭt hŏng bruă mprăp anôk ruah khua, ngă klei hâo hưn dưi mkŏ mjing djŏ guôp hŏng alŭ wăl mnuih ƀuôn sang hdĭp, hlăm anăn mđing kơ mnuih dôk jưh bhiâo, mnuih hiu trah mă kan, phung khua kiă kriê klei đăo, mâo klei hâo hưn hŏng klei blŭ Raglay, Êđê, Chăm hlăm krĭng mnuih djuê ƀiă./.