Bi ala phung khua Đảng, Knŭk kna lehanăn Dhar bruă gĭt gai Anôk bruă kƀĭn ala, Khua Anôk bruă kƀĭn ala Trần Thanh Mẫn bi êdah klei lač jăk kơ phung kahan hđăp, mnuih mâo bruă tŭ dưn lehanăn mñă, Trung đoàn 271, Kahan alŭ wăl Trị Thiên đru bi guh mngač leh knhuah gru kdrưh kơăm, jhŏng ktang mơ̆ng djuê ana rei, lăn čar drei.

Hlăm wưng ti anăp, Khua Anôk bruă kƀĭn ala Trần Thanh Mẫn čang hmăng, phung kahan hđăp, mnuih mâo bruă tŭ dưn Trung đoàn 271, Kahan alŭ wăl Trị Thiên lŏ dơ̆ng mđĭ lar knhuah gru hlăm hdră kdơ̆ng mblah, mtlaih êngiê djuê ana hlăm hdră mkŏ mkra ala čar ară anei mbĭt anăn mjuăt bi hriăm knhuah gru Lĭng kahan Awa Hô “Sĭt suôr hŏng ala čar, hŏng Đảng, hŏng mnuih ƀuôn sang”, mjuăt bi hriăm klei jhŏng ktang, amâo uêñ anăp klei dleh dlan, hluê si knhuah gru mơ̆ng Trung đoàn 271 kahan alŭ wăl Trị Thiên lehanăn lĭng kahan Awa Hô./.