Ƀri bi hdơr 94 thŭn Hruê mkŏ mjing Êpul hgŭm phung mniê Việt Nam lehanăn Hruê phung mniê Việt Nam (20/10), tlam 15/10, ti Sang bruă kƀĭn ala, Khua Anôk bruă kƀĭn ala Trần Thanh Mẫn gĭt gai leh Knăm bi tuôm hŏng phung mniê bi ala Anôk bruă kƀĭn ala thơ̆ng kơ bruă ti gưl dlông, phung knuă druh mniê gưl Knơ̆ng bruă mơ̆ng Adŭ bruă kƀĭn ala, Knơ̆ng ksiêm dlăng bruă čih mkra Hdră bhiăn.

 Blŭ ti knăm anei, Khua Anôk bruă kƀĭn ala Trần Thanh mẫn mñă leh knhuah gru kdrưh kơăm mơ̆ng phung mniê Việt Nam đru mguôp hlăm hdră răng mgang, mkŏ mkra ala čar, mâo Awa Hô jao 8 boh hră yuôm bhăn “Jhŏng ktang – Gĭr ktưn – Jăk ênang – Thâo kơ bruă”. Thŭn 2025 jing thŭn “Mtrŭt mđĭ kyar” čiăng bi leh hdră kčah bruă duh mkra – ala ƀuôn 5 thŭn, mjing klei găl hluê ngă tŭ dưn Hdră mtrŭn Klei bi kƀĭn tal XIII mơ̆ng Đảng, mprăp kơ Klei bi kƀĭn bruă Đảng dŭm gưl, mđing truh kơ Klei bi kƀĭn Đảng kluôm ala tal XIV, Khua Anôk bruă kƀĭn ala čang hmăng, phung mniê bi ala Anôk bruă kƀĭn ala, phung mniê khua knơ̆ng bruă, knuă druh mniê hlăm Adŭ bruă kƀĭn ala, Knơ̆ng ksiêm dlăng hdră bhiăn lŏ dơ̆ng mđĭ lar boh tŭ dưi mâo, đru mguôp kơ hdră mă bruă ti Anôk bruă kƀĭn ala./.