Nao lehanăn blŭ hrăm ti knăm anei, Khua Anôk bruă kƀĭn ala Trần Thanh Mẫn mtă, Êpul hgŭm bruă ƀuôn sang ƀuôn prŏng Hà Nội lŏ dơ̆ng mđĭ lar ai tiê mlih mrâo hlăm hdră mă bruă, jing “gru hmô êdah êdi” mơ̆ng Êpul gơ̆ng bruă ƀuôn sang dŭm čar, ƀuôn prŏng hlăm kluôm ala. Mlih mrâo klei mĭn hlăm bruă čih mkra klei bhiăn, mđĭ boh tŭ bruă ksiêm dlăng, bi mklă bruă yuôm bhăn djŏ hŏng klei dưi.

Khua Anôk bruă kƀĭn ala lač, Klei bi kƀĭn tal anei mơ̆ng Êpul gơ̆ng bruă ƀuôn sang ƀuôn prŏng srăng jing klei bi kƀĭn hŏng ai êwa mrâo, ai tiê mlih mrâo, mjing boh kdrŭt, pral ruh mtlaih klei dleh dlan, mđing tuič hnơ̆ng kơ hdră mđĭ kyar bruă duh mkra – ala ƀuôn, rơ̆ng bruă lĭng kahan, răng mgang klei êđăp ênang, mkra mđĭ klei hdĭp mnuih ƀuôn sang Ƀuôn prŏng phŭn, đru mguôp hlăm hdră mlih mrâo, mđĭ kyar mơ̆ng ala čar hlăm ênuk gưl mrâo. Hluê anăn, Hà Nội brei mđing djăp klei găl mâo, mjing boh kdrŭt hĭn čiăng mkŏ mkra anôk bruă nah gŭ mđrăm mbĭt, kreh knhâo lehanăn mrâo mrang, mâo klei bi mguôp kjăp, mđing kriê dlăng hdră čuăl mkă mguôp hŏng dŭm hdră kčah pŏk ngă bruă duh mkra, dhar kreh, ala ƀuôn…./.