Khua Anôk bruă kƀĭn ala lač jăk kơ Knŭk kna Japon đru kơ leh êpul êya êbeh 600 êbâo čô mnuih Việt Nam dôk hdĭp, mă bruă, hriăm hră ti Japon; mñă anei jing kdrông mkŏ yuôm bhăn kơ klei bi mjĕ Việt Nam – Japon.

Hlăm wưng ti anăp, Khua Anôk bruă kƀĭn ala Trần Thanh Mẫn čang hmăng, dua ala čar lŏ dơ̆ng mtrŭt mđĭ Klei bi mjĕ ƀĭng hgŭm phŭn kluôm dhuôm ba wĭt boh tŭ dưn lehanăn klă sĭt hĭn, mđĭ hdră bi trông gưl dlông lehanăn dŭm gưl mơ̆ng bruă Đảng, Knŭk kna, Anôk bruă kƀĭn ala, mđĭ hdră bi mjĕ mjuk dŭm êpul mơ̆ng dua ala čar, boh nik plah wah Êpul hgŭm phung khua êmua bi mjĕ mjuk Japon – Việt Nam lehanăn Êpul hgŭm phung khua êmua bi mjĕ mjuk Viêt Nam – Japon, mtrŭt mđĭ klei bi hgŭm hlăm hdră dhar kreh, hiu čhưn ênguê lehanăn mjĕ mjuk mnuih ƀuôn sang dua ala čar./.