Khua Anôk bruă kƀĭn ala Trần Thanh Mẫn nao čuă, mđup brei leh mnơ̆ng kơ mnuih mâo klei hdĭp dleh dlan ti čar Hậu Giang ƀri wưng mprăp drông Têt djuê ana Ất Tỵ 2025. 350 hnư mnơ̆ng mâo Khua Anôk bruă kƀĭn ala Trần Thanh Mẫn lehanăn êpul mă bruă jao kơ gŏ sang, mnuih mă bruă lehanăn mnuih djuê ƀiă ti kdriêk Châu Thành A lehanăn Phụng Hiệp, bi êdah klei mđing dlăng mơ̆ng Đảng, Knŭk kna hŏng mnuih mâo klei hdĭp dleh dlan grăp blư̆ Têt truh, yan mnga hriê.

Khua Anôk bruă kƀĭn ala bi mni kơ dŭm alŭ wăl hlăm čar ngă jăk hdră đru kơ ala ƀuôn, hlăm anăn kdriêk Châu Thành A, khădah dôk tuôm hŏng lu klei dleh dlan ƀiădah dưi mtrŭt mjhar đru rŭ mdơ̆ng 185 boh sang bi hgŭm mguôp, mđup brei giăm 2.500 hnư mnơ̆ng Têt kơ mnuih dleh dlan hŏng ênoh prăk êbeh 1 êklai 500 êklăk prăk./.