Hlăm ai êwa mpŭ, ti anăp Knưng bi hdơr Núi Nhạn, Khua anôk bruă ngă hră mơar gưl dlông Phan Đình Trạc mbĭt hŏng êpul mă bruă, phung khua čar Phú Yên ba čuh leh brui mngưi bi hdơr kơ phung kahan jhŏng ktang djiê êngiă săn asei kyua hdră mtlaih êngiê djuê ana, hluh lir lăn čar.

Khua anôk bruă ngă hră mơar gưl dlông Phan Đình Trạc mbĭt hŏng êpul nao čuh brui mngưi, dưm kwang mnga ti Knưng bi hdơr Núi Nhạn. Tinei, mâo 38 pŏk mdhă prŏng čih anăn 13.085 čô kahan djiê êngiă mơ̆ng Phú Yên lehanăn 4 pŏk mdhă prŏng mkăn čih anăn 1.000 čô kahan djiê êngiă ti dŭm čar mkăn hlăm kluôm ala. Sui hŏng anei 50 thŭn, hŏng klei gĭt gai mơ̆ng Đảng, mnuih ƀuôn sang čar Phú Yên jhŏng ktang mblah dưi leh phung roh Mi, mâo mă lu boh tŭ dưn, dưi mtlaih êngiê čar Phú Yên lehanăn mđing truh kơ hdră mtlaih êngiê kluôm kwar Dhŭng,hluh lir lăn čar./.