Giăm 40 klei blŭ mơ̆ng mnuih ƀuôn sang ti anôk bi kƀĭn tal anei, lu bơ̆k bâo kơ klei bi kuan mmiă lăn plah wah mnuih ƀuôn sang hŏng dŭm anôk bruă mâo Knŭk kna jao lăn. Hluê mnuih ƀuôn sang, boh klei anei mâo leh dŭm pluh thŭn hŏng anei ƀiădah ka dưi mđing msir mghaih.

Ƀuh dŭm bruă djŏ tuôm kơ hdră kriê dlăng, ba yua lehanăn bi kuan lăn ti să Ninh Gia dôk mâo dleh dưi ksiêm dlăng, Phan Đình Trạc, Khua hlăm Anôk bruă Đảng gưl dlông, Khua Anôk bruă ngă hră mơar gưl dlông mtă kơ phung khua čar Lâm Đồng mjêč ksiêm dlăng, msir mghaih klei anei. Hŏng dŭm bruă djŏ hŏng klei dưi, Êpul bi ala čar Lâm Đồng srăng mâo hră mơar brei Phŭn bruă lĭng kahan msir mghaih./.