Knăm bi hdơr anei mâo Anôk bruă kiă krie klei hâo hưn, lehanăn đru čung ba mnuih ƀuôn sang gưl dlông, mbĭt hŏng phŭn bruă mdrao mgŭn mđrăm mbĭt mkŏ mjing. Bi ala kơ Đảng, Knŭk kna, Khua bruă kƀĭn ala Trần Thanh Mẫn čih pioh lehanăn bi mni, dŭm klei gĭr klei săn asei mlei, klei duh myơr mơ̆ng phung nai aê mdrao, lehanăn dhar bruă mdrao mgŭn hlăm wưng leh êgao.

Khua bruă kƀĭn ala Trần Thanh Mẫn lač, Đảng, knŭk kna lŏ dơ̆ng bi mklă, răng mgang, dlăng kriê mnuih ruă, jing sa hlăm dŭm bruă phŭn, tal êlâo lehanăn mâo mdưm leh hlăm klei bhiăn čiăng bi djăp ênŭm pral mđĭ kyar bruă mdrao mgŭn hlăm wưng tinăp. Khua bruă kƀĭn ala đăo knang, êpul phung knuă druh nai aê mdrao lŏ dơ̆ng mâo nanao klei thâo bi mguôp, mă bruă hŏng klei knhêč, mâo ba wĭt lu boh tŭ dưn jăk hŭn, bi năng hŏng klei jing “nai aê mdrao msĕ hŏng amĭ ênang”, mjing klei muiñ siam kơ “lĭng kahan hơô ao kô̆” mâo leh mnuih ƀuôn sang dôk čang hmăng./.