Khua bruă kƀĭn ala Esteban Lazo Hernandez myơr leh kwang mnga ti anăp knưng bi hdơr Fidel Castro hlăm wăl sang êa drao, blŭ hrăm hŏng phung ruă dôk mdrao mgŭn tinei, nao čuă anôk mdrao kơ hđeh leh anăn mđup brei hnư mnơ̆ng kơ phung hđeh dôk mdrao ti sang êa drao.

Blŭ hrăm hŏng phung ruă dôk mdrao tinei, Khua bruă kƀĭn ala Cuba lŏ bơ̆k bâo kơ gưl hriê čuă hbuê ênuk mơ̆ng khua gĭt gai Fidel Castro ti krĭng sau wĭt klei êngiê, dŭm klei khăp kơ mnuih ƀuôn sang Việt Nam. Khua bruă kƀĭn ala Cuba mñă ktang, Sang êa drao bi hgŭm Việt Nam – Cuba Đồng Hới lă lar jing mnơ̆ng bi hmô kơ klei bi hgŭm, bi mguôp plah wah dua ala čar Việt Nam – Cuba.