Khua bruă kƀĭn ala Dhŭng Korea mjưh ruê̆ jăk siam gưl hriê čuă Việt Nam
Thứ năm, 09:47, 19/01/2023
VOV TayNguyen
VOV TayNguyen
VOV4.Êđê - Aguah mbruê, Khua bruă kƀĭn ala Dhŭng Korea Kim Jin-pyo leh anăn mô̆ gơ̆ mbĭt hŏng êpul bi ala gưl dlông Dhŭng Korea đuê̆ leh mơ̆ng ƀuôn prŏng phŭn Hà Nội, bi ruĕ gưl hruê čuă ala čar Việt Nam hluê si klei iêo jak mơ̆ng Khua bruă kƀĭn ala Vương Đình Huệ, mơ̆ng hruê 12-18/1/2023.
Hlăm gưl nao čuă, Khua bruă kƀĭn ala Dhŭng Korea Kim Jin-pyo leh anăn phung khua êmua hlăm êpul nao mdưm leh kwang mnga, nao čuă dlăng msat khua gĭt gai Hồ Chí Minh, nao bi tuôm hŏng Khua gĭt gai Đảng Nguyễn Phú Trọng, blŭ hrăm hŏng Khua knŭk kna Phạm Minh Chính leh anăn Khua bruă kƀĭn ala Vương Đình Huệ.
Hlăm dŭm klei bi tuôm, klei blŭ hrăm, Phung khua gĭt gai Việt Nam bi mni kơ Khua bruă kƀĭn ala Dhŭng Korea hriê čuă ala čar Việt Nam djŏ hlăm wưng 2 ala čar mrâo mđĭ hĭn klei mjĕ giăm jing ƀĭng hgŭm bi mguôp hdră êlan kluôm ênŭm leh anăn bi hdơr 30 thŭn mkŏ mjing klei mjĕ giăm Việt Nam – Dhŭng Korea.
Viết bình luận