Khua bruă kƀĭn ala Vương Đình Huệ mtă kơ čar Tuyên Quang kƀĭn ksiêm dlăng krah wưng, ktuê dlăng jih jang dŭm mta bruă, lŏ dlăng dŭm bruă klam, hdră bruă ka pŏk ngă amâodah ka bi leh čiăng hlue ngă. Boh nik, Tuyên Quang brei kƀĭn ngă jăk hdră kčah mơ̆ng čar djŏ guôp hŏng Hdră kčah kluôm ala čar mơ̆ng Bruă kƀĭn ala bi mklă hlăm Klei bi kƀĭn mjêč tal dua mrâo êgao, hdră kčah kơ lăn ala, ƀuôn prŏng, čuăl mkă čar, bi leh êlan klông, mđĭ mkŏ mjing dŭm anôk phŭn hlăm êlan klông, ksiêm yap čiăng mă keh lăn mđĭ kyar wăl tuh tia mkra mjing, wăl ƀuôn prŏng.

Tlam hlăm hruê, Khua bruă kƀĭn ala Vương Đình Huệ leh anăn êpul mă bruă nao čhưn ti Wăl hiu čhưn ala čar boh nik Tân Trào, myơr brui mngưi ti Lán Nà Nưa, myơr brui mngưi leh anăn pla ana bi hdơr ti sang yang Tân Trào…