Khua bruă kƀĭn ala mơĭt hră klei bi juh lehanăn čua êmuh khua bruă kƀĭn ala Turki lehanăn Arab Syria
Thứ sáu, 07:43, 10/02/2023
VOV TAYNGUYEN
VOV TAYNGUYEN
VOV4.Êđê- Khua bruă kƀĭn ala Vương Đình Huệ mâo leh hră mơĭt klei bi juh lehanăn mâo klei čuă êmuh truh hŏng khua bruă kƀĭn ala Turki lehanăn khua bruă kƀĭn ala Arab Syria lehanăn hŏng jih jang phung ƀuôn sang dua ala čar.
Leh hmư̆ hing kwar Ngŏ Dhŭng ala čar Turki lehanăn kwar Dưr ala čar Siri, mrâo mâo klei mgei lăn ktang ba klei jŭ jhat prŏng hŏng phung ƀuôn sang dua lăn čar anei. Bi ala kơ bruă kƀĭn ala lăn čar Việt Nam, lehanăn asei khua bruă kƀĭn ala Vương Đình Huệ mơĭt leh hră bi juh, lehanăn mâo klei čuă êmuh khua bruă kƀĭn ala dua lăn čar anăn.
Khua bruă kƀĭn ala Vương Đình Huệ bi êdah klei đăo knang kơ phung ƀuôn sang dua lăn čar anei pral lŏ kơrŭ wĭt klei hdĭp mda. Khua bruă kƀĭn ala lŏ mñă Việt Nam ăt hrăm mbĭt hŏng phung ƀuôn sang Turki êjai dôk găn klei dleh dlan anei, mđrăm mbĭt hŏng jih jang lu ala čar nao bi đru hŏng Turki lehanăn Siri mghaih msir boh mơ̆ng klei mgei lăn./.
Viết bình luận