Hlăm knăm bi hdơr, bi ala kơ Khua gĭt gai Đảng, knŭk kna, Khua bruă kƀĭn ala Vương Đình Huệ mđup brei Medai mă bruă mrô Sa kơ êpul Hră klei mrâo Phung bi ala kơ yang ƀuôn. Hră klei mrâo lŏ dơ̆ng jing knga, ală bi mĭn, blŭ, jing knhan hrăm mbĭt hŏng phung bi ala kơ mnuih ƀuôn sang leh anăn yang ƀuôn.

Blŭ hrăm hlăm klei bi kƀĭn, K’iăng Khua bruă kƀĭn ala Trần Thanh Mẫn mtă, hlăm boh klei mlih mrô leh anăn ñŭ kma dôk mkŏ mjing ktang ară anei, grăp čô knuă druh, phung čih klei mrâo, phung čih mkra hdră mơ̆ng Hră klei mrâo brei ba yua kdrăp mrâo, ba yua klei tŭ dưn mơ̆ng klei găl mâo hjăn, hâo hưn djŏ, pral leh anăn jăk, čiăng kơ hră klei mrâo phung bi ala kơ yang ƀuôn jing sa hlăm dŭm anôk bruă klei mrâo ba anăp hlăm klei mlih mrô mơ̆ng dŭm anôk bruă klei mrâo hlăm kluôm ala.