Blŭ ti knăm anei, Khua bruă kƀĭn ala tĭng dlăng, klei bi mjĕ Việt Nam – Iran ƀrư̆ hruê đĭ kyar jăk, dưi bi êdah hluê 3 mta: Mpŭ hdơ̆ng găp, Đĭ kyar hlăm djăp mta bruă mơ̆ng bruă kđi čar, hŏng tač êngao truh kơ hdră duh mkra, mnia mblei, dhar kreh; dua tĭng bi hgŭm jăk siam, thâo bi đru hlăm klei kƀĭn lu tĭng.

Khua bruă kƀĭn ala mtă, dua tĭng brei mtrŭt mđĭ hdră bi trông dŭm êpul bruă mnia mblei, ksiêm tĭng. Khua bruă kƀĭn ala đăo knang, dŭm klei dleh dlan ti anăp lehanăn tur knơ̆ng kơ hdră bi hgŭm mơ̆ng anôk bruă duh mkra dua ala čar srăng dưi msir mghaih tŭ dưn, đru mđĭ pral hdră mđĭ kyar bruă duh mkra, ala ƀuôn, đru mguôp hlăm klei tŭ dưn mbĭt mơ̆ng kluôm ala./.