Khua bruă kƀĭn ala Vương Đình Huệ nao leh ti knăm anei. Anei jing hdră mâo boh tŭ yuôm, jing klei găl čiăng kơ čar Sơn La lehanăn dŭm čar krĭng Yŭ Dưr hưn mthâo kơ kphê Arabica; bi mni kơ êpul pla, mkra, čhĭ kphê kơ ala tač êngao, đru mđĭ kyar krĭng pla kphê Arabica mâo hnơ̆ng tŭ jăk. Ară anei, kphê Sơn La dưi ba čhĭ leh kơ 20 ala čar hlăm EU, Dưr Amrĭk, Msăt boh lăn lehanăn dŭm ala čar hlăm ASEAN hŏng enoh h’ĭt kjăp, đru mđĭ hnư hrui wĭt mnuih pla, mkra mjing kphê, mjing bruă mă, đru mkŏ dăp hdră pla mjing hluê hdră mđĭ boh tŭ yuôm kphê Sơn La.

Ƀri mlan ngă bruă kyua mnuih ƀun thŭn 2023, Khua bruă kƀĭn ala Vương Đình Huệ lehanăn Êpul ngă bruă mtrŭt mjhar, đru mguôp mơ̆ng phung mâo ai tiê kmah 100 boh sang đru kơ gŏ sang ƀun, dleh dlan kơ sang dôk ti čar Sơn La. Êlâo anăn, Khua bruă kƀĭn ala Vương Đình Huệ lehanăn êpul mă bruă nao čuh leh brui mngưi, dưm mnga ti Knưng bi hdơr Awa Hô – Wăl tač prŏng Tây Bắc, čar Sơn La./.