Blŭ hrăm tinăn, k’iăng khua knŭk kna Nguyễn Hòa Bình mñă, klei tŭ jing mơ̆ng VSIP Quảng Ngãi jing sa klei kruak knăl kơ bruă đru mguôp jăk kơ klei mđĭ kyar bruă duh mkra ala ƀuôn hlăm čar Quảng Ngãi.

Čiăng kơ bruă rŭ mdơ̆ng lehanăn duh mkra mnia mblei mơ̆ng alŭ wăl duh mkra VSIP II Quảng Ngãi dưi ngă djŏ hdră kčah, lehanăn ba wĭt klei tŭ dưn tui si klei čang hmăng, k’iăng khua knŭk kna mtă kơ Êpul grŭp Sembcorp lehanăn Becamex lŏ dơ̆ng mă bruă jăk hĭn hŏng jih jang anôk duh mkra, wăl ƀuôn prŏng, anôk mnia mblei, kiă kriê klei duh bi liê, rŭ mdơ̆ng alŭ wăl duh mkra VSIP II Quảng Ngãi jing anôk duh mkra thâo mĭn, ênuk mrâo lehanăn đĭ kyar kjăp, lehanăn anăp truh kơ klei duh mkra doh, mlih mrâo, wăl ƀuôn prŏng anôk mnia mblei, hŏng kdrăp mrâo mrang, lehanăn mđrĭng hŏng anăn mđĭ kyar kjăp kơ alŭ wăl./.