Leh nao čuă anôk anei, Khua bruă kƀĭn ala, Trần Thanh Mẫn bi mni kơ anôk bruă kreh knhâo TUMO ala čar Armenia; lehanăn mtă kơ k’iăng khua knŭk kna Trần Hồng Hà kiă kriê ksiêm duah anăp truh mkŏ mjing anôk bruă ksiêm duah kơ klei kreh knhâo msĕ snei tui hlue TUMO mơ̆ng ala čar mah jiăng, kñăm pioh đru kơ phung êdam êra Việt Nam čŏng nao tui hriăm lehanăn mđĭ klei thâo pô kơ bruă kreh knhâo, kdrăp mrâo, mlih mrâo hŏng klei mnhêč, dưn yua klei thâo mĭn anak mnuih, ngă klei bi mlih mrô.

Anei jing sa hlăm dŭm bruă pioh mjuăt bi hriăm mnuih mă bruă hlăm ênuk gưl mrâo, ênuk djuê ana pô kpưn đĭ./.