Khua bruă kƀĭn ala čih yap bi mni kơ phung bi ala Bruă kƀĭn ala leh anăn phung knuă druh mniê hlăm anôk bruă Kƀĭn ala. Khua bruă kƀĭn ala Trần Thanh Mẫn mñă, Đảng mâo lu hdră mtrŭn, asăp mtrŭng jing brei mđing kơ phung knuă druh mniê kơ ai tiê leh anăn mnơ̆ng dhơ̆ng, mjing klei găl čiăng kơ phung mniê mâo klei găl duh myơr, hriăm, hgŭm hlăm bruă ngă ala ƀuôn.

Kyua anăn, bruă mđing kơ phung mniê amâo djŏ knŏng hlăm dŭm hruê 8/3 amâodah 20/10 ôh ƀiădah jing brei mđing nanao. Khua bruă kƀĭn ala Trần Thanh Mẫn mtă kơ Knơ̆ng bruă kriê dlăng phung bi ala hlăm wưng Bruă kƀĭn ala gưl XVI, Êpul gơ̆ng bruă ƀuôn sang dŭm gưl 2026-2031 brei hlue ngă djŏ dŭm asăp mtrŭn mơ̆ng Đảng kơ ênoh phung mniê bi ala bruă kƀĭn ala, hgŭm bi ala hlăm Êpul gơ̆ng bruă ƀuôn sang dŭm gưl, ênoh phung mniê gĭt gai hlăm dŭm anôk bruă mơ̆ng Bruă kƀĭn ala.