Hlăm klei nao čhưn kơ Lào lehanăn nao ti anôk bi kƀĭn Êpul gơ̆ng prŏng AIPA-45, aguah mbrue 18/10, ti ƀuôn prŏng Vientiane, Khua bruă kƀĭn ala Trần Thanh Mẫn mâo leh klei bi tuôm hŏng khua gĭt gai Lào Thongloun Sisoulith. 

Dua čô khua gĭt gai bi myuôm boh tŭ dưn jăk siam, krơ̆ng kjăp klei bi mguôp lehanăn hgŭm mbĭt dua ala čar Việt Nam-Lào hlăm dŭm thŭn êgao, hlăm anăn mâo leh dŭm klei đru mguôp yuôm bhăn mơ̆ng bruă kƀĭn ala dua ala čar, mñă, hlăm wưng tinăp, dua nah mđĭ hĭn klei bi hghŭm mâo leh mơ̆ng đưm hgŭm mbĭt hlam klei đăo knang, hrăm mbĭt ngă jăk jih jang dŭm klei leh bi tŭ ư gưl dlông, hlăm anăn mâo boh tŭ dưn klei bi tuôm plah wah dua phŭn bruă kđi čar hlăm mlan 9/2024 leh êgao, lŏ dơ̆ng hgŭm dua anôk bruă mkŏ mjing hdră bhiăn, hgŭm mbĭt lehanăn bi đru hlăm dŭm anôk bi kƀĭn bruă kƀĭn ala lehanăn hŏng ala tač êngao msĕ si IPU, AIPA, APPF; bi mguôp kjăp hlăm dŭm klei bi kƀĭn hlăm alŭ wăl lehanăn tar rŏng lăn./.