Khua bruă kƀĭn ala Trần Thanh Mẫn mơĭt leh asăp čuă êmuh mơ̆ng Khua gĭt gai Đảng Tô Lâm, Khua lăn čar Lương Cường lehanăn Khua knŭk kna Phạm Minh Chính truh kơ Khua mil čhil Va-han Kha-cha-tu-ri-an; mñă mnuih ƀuôn sang Việt Nam hdơr nanao klei đru yuôm bhăn mơ̆ng mnuih ƀuôn sang Armenia brei leh kơ Việt Nam hlăm hdră kdơ̆ng mblah sua wĭt klei hnŭk êngiê djuê ana lehanăn hlăm hdră mkŏ mkra, mđĭ kyar ala čar.

Dua khua kiă kriê hơ̆k mơak anăp klei đĭ kyar jăk siam mơ̆ng klei bi mjĕ jăk siam Việt Nam – Armenia hlăm djăp mta ra bruă,bi mklă bruă krơ̆ng kjăp hdră bi trông dŭm gưl, boh nik gưl dlông dưi pŏk ngă jăk, ba wĭt leh boh tŭ dưn kñăm bi kjăp klei bi mjĕ lehanăn klei đăo knang hdơ̆ng găp, mkăp djŏ hŏng boh tŭ dưn mơ̆ng dua ala čar; bi mni kơ hdră đĭ kyar jăk siam hlăm klei bi hgŭm bruă duh mkra – mnia mblei plah wah dua ala čar; boh nik hlăm dŭm thŭn giăm anei leh Klei kuôl kă bruă mnia mblei êngiê Việt Nam lehanăn Êpul hgŭm bruă duh mkra Asi – Ơrôp mâo boh tŭ ba yua hlăm thŭn 2016./.