Bi ala kơ dhar bruă gĭt gai bruă kƀĭn ala, Khua bruă kƀĭn ala Trần Thanh Mẫn bi êdah klei hdơr knga yuôm bhăn hŏng phung nai mtô, phung knuă druh ngă bruă sang hră mơar, phung bi ala bruă kƀĭn ala hlăk dôk ngă bruă hlăm dŭm boh sang hră mơar, tuôm mâo leh dŭm boh tŭ dưn hlăm bruă mjuăt bi hriăm, hơêč hmưi kơ bruă sang hră mơar ala čar pô knư̆ hrue knư̆ mâo klei đĭ kyar.

Khua bruă kƀĭn ala Trần Thanh Mẫn mñă hŏng klei hur har, khăp kơ bruă, phung bi ala bruă kƀĭn ala jing phung nai mtô mâo đru mguôp leh prŏng prĭn hlăm bruă mkŏ mjing bi leh klei bhiăn, mâo bi mklă leh lu hdră mtrŭn yuôm bhăn kơ bruă sang hră mơar. Khua bruă kƀĭn ala čang hmăng grăp čô phung nai mtô jing nanao gru bi hmô mngač mâo knhuah dôk dơ̆ng ƀơ̆ng huă jăk, mâo klei thâo blŭ tlao nao hriê djŏ, mâo klei thâo gĭr mghaih msir jih jang klei dleh dlan, jih ai tiê hur har, khăp kơ bruă, khăp kơ phung hđeh hriăm hră, amâo mâo mdei lŏ hriăm êmuh, mđĭ klei thâo hlăm klei mtô./.