Hlăm klei blŭ hrăm mơ̆ng pô, Khua knŭk kna Phạm Minh Chính mñă klă leh klei mĭn, hdră mtrŭn kơ bruă mđĭ kyar hơĭt kjăp lehanăn ƀuăn rơ̆ng mơ̆ng Việt Nam amâo lui tha bruă đru kơ yang ƀuôn, klei đĭ kyar, klei mtăp mđơr hlăm yang ƀuôn lehanăn hdră răng mgang wăl hdĭp mda čiăng bi tiŏ êran hlăm hdră duh mkra.

Khua knŭk kna mñă, djăp bruă drei ngă ară anei srăng bi mklă klei êdei anăp mơ̆ng phung hđeh hlăm ênuk gưl êdei. Hŏng klei mĭn anăn, Việt Nam ƀuăn srăng gĭr jih ai tiê pô hrăm mbĭt hŏng dŭm ala čar, ƀĭng hgŭm, êpul êya tar rŏng lăn gĭr hluê ngă mta kñăm bi kbiă êwa jhat ti hnơ̆ng 0 êlâo kơ thŭn 2050, đru mguôp kơ hdră mđĭ kyar sa rŏng lăn mtah, siam, hơĭt kjăp kyua klei đĭ kyar ênuk gưl êdei./.