Hdră bruă anei mâo boh taih dlông êbeh 58 km, hŏng ênoh duh bi liê 12 êbâo êklai prăk. Mơ̆ng leh pŏk ngă hdră anei, mâo mkăp leh êbeh 2.745 êklai prăk. Hjăn hdră kčah mkăp prăk thŭn 2024 mâo êbeh 2.322 êklai prăk. Ară anei, ngă leh bruă jao anôk ala ngă hdră anei. Hlăm wưng êgao, čar Sóc Trăng gĭt gai leh phung ngă mkra mđing pŏk ngă kjăp rơ̆ng wưng hluê ngă hdră anei.

Boh nik, čar pŏk ngă leh hdră bi lông ktưn “15 hruê mlam mtrŭt mđĭ bruă pŏk ngă hdră 4 hlăm bruă Hdră duh bi liê rŭ mkra êlan êran pral Châu Đốc - Cần Thơ - Sóc Trăng wưng tal 1”. Anôk kriê dlăng hdră bruă 2 gĭt gai leh anôk bruă djŏ tuôm mđĭ ênoh mnuih mă bruă, kdrăp mkŏ mjing hluê ngă hdră mă bruă aguah, tlam, mlam lehanăn 4 êpul mă bruă, mă jih hruê mlam, knăm têt hat, rơ̆ng ngă bi leh hdră anei djŏ wưng kčah./.