Aguah mbruê 11/8, ti sang Bruă Kƀĭn Ala, Dhar bruă gĭt gai bruă kƀĭn ala mphŭn pŏk klei kƀĭn tal 48. Mĭn tĭng hlăm 3 hruê mă bruă, klei kƀĭn srăng ksiêm dlăng, brei klei blŭ mguôp hŏng 17 mta phŭn leh anăn đa đa hdră mkăp. Lu mta phŭn anei srăng hưn mdah hŏng Bruă Kƀĭn Ala hlăm klei kƀĭn tal 10, gưl kƀĭn knhal tuč mơ̆ng wưng păn bruă, ksiêm wĭt 5 thŭn ngă bruă leh anăn mkŏ mjing tur knơ̆ng kơ klei ngă bruă mơ̆ng wưng păn bruă gưl 16. Mĭn tĭng, knŭk kna srăng ba mdah êbeh 90 mta phŭn hlăm klei kƀĭn tal 10.

Blŭ hrăm pŏk klei bi kƀĭn, Khua bruă kƀĭn ala Trần Thanh Mẫn mñă ktang, gưl kƀĭn anei mâo boh tŭ dưn yuôm bhăn čiăng brei klei blŭ mguôp leh anăn ksiêm dlăng bi klă hlăm gưl kƀĭn tal 10 jing gưl kƀĭn knhal tuč mơ̆ng gưl 15.

Hlăm gưl kƀĭn tal 10 srăng ksiêm wĭt wưng păn bruă mơ̆ng Bruă Kƀĭn Ala wưng thŭn 2021 – 2026, ksiêm dlăng dŭm mta bruă mprăp kơ klei ruah khua kluôm Bruă Kƀĭn Ala 6/1/2026. Êngao kơnăn, Dhar bruă Bruă Kƀĭn Ala ăt bi trông leh anăn brei klei blŭ mguôp kơ hdră êlan phŭn duh bi liê rŭ mjing tač êdeh phiơr prŏng Gia Bình, bi klă ênoh anôk bruă tĭng mkă knŭk kna mơ̆ng alŭ wăl hlăm Anôk bruă tĭng mkă knŭk kna… ksiêm dlăng klei hưn mdah bruă swil mơ̆ng Bruă Kƀĭn Ala mlan 7/2025.