Hưn kơ klei hưn mdah boh tŭ ksiêm dlăng mơ̆ng êpul hŏng Êpul khua bruă Đảng čar kơ bruă bi khuăt phung mă bruă, bruă mprăp kơ klei kƀĭn kluôm bruă Đảng dŭm gưl anăp truh kơ klei kƀĭn kluôm phung bi ala kluôm ala gưl tal 14 mơ̆ng Đảng; Hdră êlan bi mbŏ kơ klei mđĭ kyar bruă duh mkra ala ƀuôn thŭn 2025 hŏng mta knăm đĭ kyar mâo 8% kơ dlông…

Leh hmư̆ klei hưn boh tŭ klei ksiêm dlăng hŏng Êpul khua bruă Đảng čar Bình Định, klei bl mguôp mơ̆ng êpul ksiêm dlăng, mơ̆ng khua gĭt gai čar Bình Đinh,  blŭ hrăm hlăm mmông mă bruă, Khua bruă kƀĭn ala Trần Thanh Mẫn brei thâo,êpul ksiêm dlăng mđing hmư̆ klei blŭ mguôp čiăng bi kluôm klei hưn mdah. Bi hŏng mta kñăm đĭ kyar 8%, Khua bruă kƀĭn ala Trần Thanh Mẫn bi myuôm čar Bình Định gĭr ktưn leh anăn srăng mâo leh anăn êgao hdră kčah. Khua Bruă Kƀĭn Ala mñă klă, Bình Định čiăng nao klă hŏng hdră êlan mơ̆ng Đảng, hdră bhiăn lăn čar hlăm bruă mkŏ dăp bi khuăt mnuih mă bruă, ngă jăk asăp mtrŭn mrô 35, tơdah kpăk gun, akâo klei blŭ mguôp mơ̆ng dŭm anôk bruă djŏ tuôm, mbĭt anăn bi mrâo klei hưn hŏng Phŭn bruă kiă kriê bruă knuă čiăng čŏng pô ngă hdră, bruă kiă kriê bruă duh mkra ala ƀuôn srăng klă hŏng boh sĭt tar rŏng ăt msĕ mơh hlăm lăn čar čiăng găl guôp hŏng boh sĭt.