Hlăm hră mơĭt kơ khua bruă kƀĭn ala nah dlông Sekiguchi Masakazu lehanăn khua bruă kƀĭn ala nah gŭ Nukaga Fukushiro, Khua bruă kƀĭn ala Trần Thanh Mẫn đăo knang, hŏng klei pô ƀuh leh lehanăn k’hưm pô, dua čô khua kiă kriê srăng kiă kriê anôk bruă kƀĭn ala Japon mâo lu klei bi mlih yuôm bhăn, đru kơ bruă mđĭ kyar kjăp bruă Japon hŏng tač êngao.

Khua bruă kƀĭn ala Trần Thanh Mẫn mơak ƀuh klei bi mguôp kluôm dhuôm Japon hŏng Việt Nam hlăm djap mta bruă dơ̆ng mơ̆ng kđi čar hlŏng truh kơ bruă duh mkra, wăt hlăm bruă dhar kreh mâo lu mta čiăng bi msĕ kơ knhuah klei jing mơ̆ng djuê ana, klei bi mguôp bruă kƀĭn ala dua nah mâo leh klei đĭ kyar jăk, mđrĭng hŏng klei mđĭ kyar bruă bi hgŭm dua nah./.