Hlăm klei hiu čhưn kơ ala čar Armenia, Khua bruă kƀĭn ala Trần Thanh Mẫn mâo leh klei bi tuôm lehanăn blŭ hrăm hŏng phung khua kiă kriê gưl dlông ala čar anăn. Khua bruă kƀĭn ala bi tuôm hŏng phung khua prŏng hgŭm bruă bruă kƀĭn ala Armenia - Việt Nam; nao čuă sang hră gưl prŏng Yerevan; nao ti anôk bi trông bruă duh mkra Việt Nam -Armenia.

Klei khua bruă kƀĭn ala Trần Thanh Mẫn lehanăn mô̆ ñu mbĭt hŏng phung khua prŏng Việt Nam truh kơ Armenia amâo mâo djŏ knŏng bi kjăp bruă kđi čar, bruă kƀĭn ala, ƀiădah lŏ pŏk klei găl kơ bruă bi hgŭm duh mkra mnia mblei, klei duh bi liê, lehanăn lŏ dưn yua jih klei găl bi hgŭm dŭm phŭn dhar bruă, lehanăn alŭ wăl, kñăm bi kjăp klei thâo bi mguôp mnuih ƀuôn sang, tă êlan kơ klei mđĭ kyar tŭ jing plah wah dua ala čar./.