Mă bruă hŏng Knơ̆ng bruă Dhar kreh leh anăn ala ƀuôn mơ̆ng Bruă kƀĭn ala, Khua bruă kƀĭn ala Trần Thanh Mẫn bi mni kơ bruă čih mkra hdră bhiăn, hlăm jih wưng, Knơ̆ng bruă gĭt gai ksiêm dlăng leh 20 hră čih Hdră bhiăn, 6 hră čih Hdră mtrŭn mơ̆ng Bruă kƀĭn ala, 1 hră čih Hdră bhiăn leh anăn 6 hră čih Hdră mtrŭn mơ̆ng Dhar bruă kƀĭn ala. Mñă klă mbĭt hŏng klei đĭ kyar bruă duh mkra, brei mđing dlăng kơ bruă ala ƀuôn leh anăn dhar kreh, hlue si Khua bruă kƀĭn ala, anei jing bruă djŏ tuôm kơ klei hdĭp ai tiê mnuih ƀuôn sang. Klei kñăm mơ̆ng Đảng drei jing kriê dlăng klei hdĭp mnơ̆ng dhơ̆ng leh anăn ai tiê kơ mnuih ƀuôn sang.

Dhar kreh jing čiăng kơ grăp čô mnuih ƀuôn sang hdĭp suaih pral, jăk mơak leh anăn jăk siam hĭn. Hlue si Khua bruă kƀĭn ala, bruă dhar kreh, ala ƀuôn ară anei ti ala čar mâo lu klei jăk, ƀiădah ăt lŏ mâo klei kƀah brei mâo hdră msir jăk. Kyua anăn, Knơ̆ng bruă brei ktuê dlăng, ksiêm hriăm leh anăn prak mâo klei akâo, klei kčĕ hŏng Đảng, Knŭk kna.