Gưl nao čuă bi klă hdră êlan mơ̆ng Đảng, knŭk kna Việt Nam mđing tal êlâo leh anăn dlăng yuôm bhăn bruă mđĭ hĭn klei bi hgŭm, bi mguôp kluôm dhuôm Việt Nam – Lào, mñă klă klei sa ai ktang phĭt mơ̆ng Việt Nam hŏng klei mlih mrâo, răng mgang lăn čar Lào.

Gưl nao čuă Lào leh anăn nao hgŭm hlăm Klei kƀĭn Êpul gơ̆ng mlir Bruă Kƀĭn Ala IAPA tal 45 mơ̆ng Khua bruă kƀĭn ala Trần Thanh Mẫn leh anăn êpul gưl dlông Bruă Kƀĭn Ala Việt Nam bi klă bruă klam mơ̆ng Bruă Kƀĭn Ala Việt Nam, hur har đru mguôp hlăm mta phŭn mơ̆ng IAPA, êngao kơnăn sa ai hŏng Lào hlăm bruă păn khua gĭt gai IAPA, đru bi kjăp klei mjĕ giăm, klei bi hgŭm plah wah dua Đảng, dua knŭk kna, dua anôk Bruă Kƀĭn Ala leh anăn mnuih ƀuôn sang dua ala čar.