Blŭ hrăm hlăm knăm anăn, Khua bruă kƀĭn ala Trần Thanh Mẫn bi mni, čih yap, dlăng yuôm bhiăn klei gĭr leh anăn dŭm boh tŭ dưn mâo mơ̆ng Êpul hgŭm ƀĭng ngă lŏ hma Việt Nam, mơ̆ng grăp čô knuă druh, ƀĭng ngă lŏ hma, êpul hgŭm bruă mơ̆ng lăn čar, boh nik jing 63 čô, 63 êpul hgŭm bruă dưi bi mni hlăm knăm anei.

Hŏng grăp čô, êpul êya dưi pah mni, khua Bruă Kƀĭn Ala mñă čiăng lŏ dơ̆ng nao êlâo hlăm klei bi mguôp, mkŏ bruă mkra mjing, mnia mblei, duh myơr, kah mbha klei hrăm, đru kơ phung mkăn čiăng mâo thiăm lu ƀĭng ngă lŏ hma kpưn đĭ kơ mdrŏng, lu êpul hgŭm bruă tŭ dưn, čiăng hrăm mbĭt hluê ngă mta kñăm đĭ kyar kjăo, mkŏ mkra krĭng ƀuôn sang mrâo.