Khua bruă kƀĭn ala Trần Thanh Mẫn nao hlăm knăm mphŭn ba yua wăl kriê pioh mnơ̆ng bi hdơr kơ Khua gĭt gai Đảng Lê Duẩn
Thứ ba, 09:39, 29/04/2025
Pô mblang: H’ Zawut Byă
Pô mblang: H’ Zawut Byă
VOV4.Êđê - Aguah 28/4, ti să Triệu Thành, kdriêk Triệu Phong (Quảng Trị), Khua bruă kƀĭn ala Trần Thanh Mẫn nao hlăm knăm mphŭn ba yua hdră bruă răng mgang, lŏ mkra mjing Wăl kriê pioh mnơ̆ng dhơ̆ng bi hdơr kơ Khua gĭt gai Đảng Lê Duẩn.
Blŭ hrăm hlăm anôk bi kƀĭn, Khua bruă kƀĭn ala bi êdah klei čang hmăng bi hdơr kơ Khua gĭt gai Đảng Lê Duẩn – khua gĭt gai êdah êdi, pô lŏ čuê bruă krŭ kdơ̆ng mơ̆ng Khua gĭt gai Hồ Chí Minh. Mbĭt anăn mñă klă, Lê Duẩn amâo djŏ knŏng jing khua gĭt gai kđi čar - khua kahan êdah êdi ôh ƀiădah lŏ jing pô mblang knhăk hŏng klei mĭn mbruă, đru tă klei mĭn cách mạng Việt Nam.
Hlăm ai êwa yuôm bhăn, ktưn hưn mđing kơ klei bi hdơr 50 thŭn Hruê mtlaih êngiê kwar Dhŭng, hluh lir lăn čar, Khua bruă kƀĭn ala Trần Thanh Mẫn leh anăn Êpul mă bruă myơr leh brui mngưi bi hdơr kơ phung jhŏng ktang êngiă asei săn leh asei ti ƀuôn prŏng đưm Quảng Trị. Leh anăn êpul nao cchưn leh hŏng gŏ sang knŭk kna dlăng ba ti să Hải Thượng, kdriêk Hải Lăng.
Viết bình luận