Hlue si asăp jak iêo mơ̆ng Khua kiă kriê êpul hgŭm bruă kƀĭn ala tar rŏng lăn (IPU) Tulia Ackson lehanăn khua knơ̆ng čih hră êpul hgŭm bruă kƀĭn ala tar rŏng lăn Martin Chungong, Khua bruă kƀĭn ala Armenia Alen Simonyan, Khua bruă kƀĭn ala Trần Thanh Mẫn bi ala kơ Đảng, knŭk kna Việt Nam lehanăn mô̆ ñu nao leh ti anôk bi kƀĭn Êpul gơ̆ng prŏng tal 150 mơ̆ng êpul hgŭm bruă kƀĭn ala tar rŏng lăn  (IPU-150), nao čuă ala car Armenia mơ̆ng hrue 2-5/4/2025.

Klei khua bruă kƀĭn ala Trần Thanh Mẫn nao hlăm klei bi kƀĭn prŏng Êpul hgŭm bruă kƀĭn ala tar rŏng lăn 150 jing leh sa klei kruak knăl jăk, brei ƀuh k'hưm mrâo, mâo klei ƀuăn prŏng prĭn mơ̆ng Việt Nam ti anôk bi kƀĭn bruă kƀĭn ala prŏng lu tĭng hlăm klei yuôm bhăn anei, êjai tar rŏng lăn hlăk dông trông čhai lehanăn bi đru hlăm bruă mghaih msir klei lông dlăng mbĭt. Mâo klei bi tuôm dua nah, klei nao čhưn truh kơ Armenia, mơ̆ng khua bruă kƀĭn ala Trần Thanh Mẫn jing klei hiu čhưn tal êlâo mơ̆ng pô djă akŏ anôk bruă hdră bhiăn Việt Nam, ăt jing klei nao čhưn gưl khua prŏng Việt Nam yap mơ̆ng leh dua ala čar mkŏ mjing klei mjĕ mgiăm. Kơ bruă kđi čar - bruă hŏng tač êngao, Armenia dlăng kơ Việt Nam jing ala čar hgŭm yuôm bhăn hlăm alŭ wăl ngŏ dhŭng Asi. Dua ala čar krơ̆ng nanao klei bi tuôm, dŭm gưl, hlăm anăn mâo wăt khua prŏng./.