Kơ dŭm mta bruă kñăm hlăm mlan 2, Khua bruă kƀĭn ala mtă kơ dŭm anôk bruă knăm mprăp êmiêt jăk kơ gưl kƀĭn mơ̆ng Dhar bruă kƀĭn ala (mĭn tĭng mkŏ mjing hlăm 4 hruê). Sa mta phŭn mkăn ăt yuôm bhăn jing klei kƀĭn trông kluôm ala ksiêm wĭt klei ngă bruă mơ̆ng Êpul gơ̆ng bruă ƀuôn sang dŭm čar, ƀuôn prŏng gưl dlông (mĭn tĭng mkŏ mjing ti čar Quảng Ninh).

Bi kơ mta phŭn ngă bruă hlăm wưng tlâo mlan tal 1 leh anăn jih thŭn, Khua bruă kƀĭn ala Vương Đình Huệ mñă kơ Dhar bruă klei bhiăn gĭt gai mkŏ mjing hdră čih mkra klei bhiăn, hdră bhiăn thŭn 2024, mkra mlih hdră čih mkra klei bhiăn, hdră bhiăn thŭn 2023, dŭm anôk bruă mkăn čŏng bi mguôp hŏng dŭm anôk bruă djŏ tuôm čiăng hưn mdah dŭm hdră mkăp leh anăn ba mdah hŏng hŏng Dhar bruă kƀĭn ala, Bruă kƀĭn ala hluê si klei dưi.