Ti anôk bi blŭ hrăm, Khua bruă kƀĭn ala Vương Đình Huệ hơêč hmưi kơ Bangladesh jih jang boh tŭ dưn mâo hlăm wưng giăm anei, boh nik, GDP đĭ êbeh 7% hlăm thŭn 2021-2022, Bangladesh jing leh ala čar čhĭ prŏng tal dua dlông rŏng lăn mnơ̆ng tă kčoh, lehanăn ba akŏ hlăm bruă mkŏ mjing sang mkra mjing doh.

Khua bruă kƀĭn ala hơêč hmưi kơ   Bangladesh mkŏ mjing tŭ jing klei ruah khua hlăm wưng kơ anăp, “tă êlan hŏng klei jăk truh kơ thŭn 2041”, atăt Bangladesh jing ala čar đĭ kyar ênuk mrâo hlăm thŭn 2041 ƀri bi hdơr 70 thŭn hrue mkŏ mjing lăn čar. Dua khua kiă kriê yap yuôm klei bi mguôp dua ala čar Việt Nam-Bangladesh; bi trông kơ hdră êlan bi mguôp wưng tinăp čhuang hlăm knhuang mrâo hĭn.

Tlam mbrue 21/9, ti anôk bruă ksiêm hriăm kơbruă bi mguôp hŏng ala tač êngao Bangladesh, Khua bruă kƀĭn ala Vương Đình Huệ; Khua Phŭn bủă hŏng tač êngao Bangladesh, Khua bi ala knŭk kna Việt Nam ti Bangladesh Nguyễn Mạnh Cường khăt čhiăm bruă rang mdah rup 50 thŭn klei mjĕ mgiăm hgŭm mbĭt mâo leh mơ̆ng dưm Việt Nam – Bangladesh mâo Thông tấn xã Việt Nam mkŏ mjing.