Khua bruă kƀĭn ala bi mklă, Việt Nam bi myuôm klei bi mjĕ hgŭm bruă hlăm lu mta bruă hŏng Iran, sa hlăm dŭm ƀĭng hgŭm yuôm bhăn mơ̆ng Việt Nam ti krĭng Msăt boh lăn, bi êdah klei m’ak ti anăp klei đĭ kyar jăk siam hlăm klei bi mjĕ dua ala čar wưng giăm anei, boh nik hlăm bruă kđi čar – bruă hŏng tač êngao, dhar kreh, mjĕ mjuk mnuih ƀuôn sang.

Khua bruă kƀĭn ala Mohammad Bagher Ghalibaf đăo knang klei bi hgŭm Việt Nam – Iran ăt msĕ mơh anôk bruă kƀĭn ala mơ̆ng dua ala čar srăng đĭ kyar hĭn hlăm wưng ti anăp. Hluê anăn, dua khua kiă kriê bi tŭ ư kơ hdră msir kñăm mđĭ hdră bi hgŭm dua nah wưng ti anăp hlăm djăp mta bruă, bi trông hluê êpul, boh nik gưl dlông lehanăn phung khua kiă kriê dŭm phŭn, dhar bruă klam kơ hdră duh mkra mơ̆ng dua ala čar./.