Ti sang bruă kƀĭn ala, khua bruă kƀĭn ala Vương Đình Huệ mâo leh klei bi trông hŏng khua bruă kƀĭn ala nah dlông ala mtao Belgium Stéphanie D’Hose. Dua čô khua kiă kriê bi myuôm dŭm boh tŭ dưn klei hgŭm duh mkra dua ala čar wưng leh êgao. Khua bruă kƀĭn ala Vương Đình Huệ lač, klei găl bi hgŭm dua nah jing prŏng êdi. Êjai dua ala čar dôk mđĭ hĭn bruă duh bi liê, mkŏ mjing hdră êlan mă bruă mrâo.

Khua bruă kƀĭn ala čang hmăng Belgium mjing djăp klei găl kơ Việt Nam mâo čhĭ mnơ̆ng kơ ala čar belgium lehanăn EU, boh nik jing hdang kan, boh mnga bruă lŏ hma mơ̆ng Việt Nam msĕ si braih lehanăn kphê… Boh nik bruă bi mlih mrô lehanăn bruă pui kmlă jing dua mta bruă dôk mâo klei mđĭ kyar hlăm tar rŏng lăn, lehanăn Belgium jing ala čar mâo klei găl êdi hŏng bruă anei, Khua bruă kƀĭn ala Vương Đình Huệ čang hmăng kơ anôk bruă kƀĭn ala bi đru kah mbha klei thâo pô hlăm bruă mkŏ mjing klei bhiăn kiă kriê hŏng anôk bruă kƀĭn ala  Việt Nam.