Leh knăm drông, Khua bruă kƀĭn ala Vương Đình Huệ bi trông hŏng Khua thượng viện Japon. Hlăm klei bi trông, dua khua gĭt gai lač, mơ̆ng leh mkŏ mjing klei bi hgŭm “Ƀĭng hgŭm yuôm bhăn kyua klei êđăp ênang leh anăn mdrŏng sah ti Asi”, bi hgŭm plah wah dua ala čar dôk mđĭ kyar jăk siam hŏng klei đăo knang kđi čar, anăn jing tur knơ̆ng bi hgŭm kluôm leh anăn êlam mâo lu klei tŭ dưn hlăm dŭm mta bruă.

Čiăng mđĭ hĭn klei bi hgŭm plah wah dua anôk bruă hdră bhiăn, Khua bruă kƀĭn ala Vương Đình Huệ mtă, dua tĭng mđĭ klei bi hgŭm, bi trông, kah mbha klei thâo plah wah dŭm Knơ̆ng bruă, mđĭ lar bruă klam yuôm bhăn, bi hgŭm hlăm bruă bi leh klei bhiăn, hdră êlan, mkŏ mjing hdră bhiăn đru kơ anôk bruă duh mkra dua ala čar bi hgŭm, bi liê ti grăp ala čar.