Blŭ hrăm ti anôk bi tuôm, Khua bruă kƀĭn ala Vương Đình Huệ bi myuôm hdră êlan mơ̆ng čar Nghệ An bi mklă bruă mkŏ mjing êpul hgŭm. Yap mơ̆ng leh mâo mkŏ mjing êpul hgŭm hlăk thŭn 2009, Êpul hgŭm phung ngă cách mạng tuôm hŏng roh mă krư̆ ti čar Nghệ An mâo bi kjăp leh knư̆ hrue knư̆ tŭ dưn hĭn.

Hŏng hdră hdơr knga hŏng phung ngă cách mạng, Khua bruă kƀĭn ala lač Đảng, knŭk kna mâo klei mđing nanao kơ bruă mơ̆ng mnuih ngă leh cách mạng, hlăm anăn digơ̆ jing phung tuôm lĕ hlăm klei phung roh krư̆ kđăl. Hlăm wưng kơ anăp, Khua bruă kƀĭn ala čang hmăng, hŏng ai tiê jhŏng ktang hur har digơ̆ lŏ mđĭ hĭn knhuah gru jăk siam mơ̆ng phung ngă cách mạng, ksul mbŭ klei thâo bi khăp hdơ̆ng ƀĭng kahan, bi đru hdơ̆ng găp rŭ mdơ̆ng klei hdĭp lehanăn đru bi răng mgang klei êđăp ênang./.