Ƀri nao ti anôk bi kƀĭn Êpul gơ̆ng prŏng AIPA tal 44 ti Jakarta, Indonesia, Khua bruă kƀĭn ala Vương Đình Huệ mâo leh klei bi tuôm hŏng khua bruă kƀĭn ala nah gŭ Phi-líp-pin Ferdinand Martin Romualdez. Ti anôk bi tuôm Khua bruă kƀĭn ala Vương Đình Huệ bi mni dŭm klei đĭ kyar jăk hlăm klei bi mguôp Việt Nam – Phi-líp-pin, boh nik ti anôk bi tuôm gưl dlông.

Dua khua kiă kriê mâo leh klei bi tŭ ư mđĭ hĭn klei bi mguôp dua nah, boh nik hlăm klei duh mkra mnia mblei lehanăn duh bi liê, ktưn mâo mđĭ ênoh bi mnia mblei dua nah truh 10 êklai USD. Khua bruă kƀĭn ala čang hmăng Việt Nam lehanăn Phi-líp-pin bi hgŭm hĭn hlăm jih jang bruă bi mnia mblei, mjing klei găl kơ Việt Nam čhĭ mnia boh nik hlăm anăn mâo braih, mnơng rŭ mdơ̆ng, lehanăn dŭm mta mnơ̆ng mơ̆ng Phi-líp-pin mâo Việt Nam čiăng blei. Dua nah bi tŭ ư leh hlăm klei bi mguôp yuôm bhăn jing kơ klei bi mlih mrô lehanăn bruă pui kmlă./.