Dua khua gĭt gai mơak ƀuh klei bi hgŭm jăk siam plah wah dua ala čar amâo mdei dưi mđĭ kyar. Klei bi hgŭm bruă duh mkra êlam hĭn hŏng Thái Lan jing ala čar hgŭm bruă mnia blei prŏng hĭn mơ̆ng Việt Nam hlăm ASEAN leh anăn jing pô duh bi liê prŏng tal 2 hlăm ASEAN. Thŭn 2023, dua ala čar bi hdơr 10 thŭn mkŏ mjing klei bi hgŭm yuôm bhăn.

Khua bruă kƀĭn ala mtă kơ anôk bruă dua ala čar mđĭ klei bi hgŭm, pŏk ngă hdră “Tlâo klei mkŏ: mâo mkŏ hdră mkăp, mkŏ bruă duh mkra, mnia blei leha năn alŭ wăl, mkŏ hdră mđĭ kyar kjăp, gĭr hnưm mâo hdră kñăm mnia blei dua nah truh 25 êklai USD. Khua bruă kƀĭn ala akâo kơ Bruă kƀĭn ala Thái Lan lŏ dơ̆ng mjing klei găl kơ êpul êya Việt Nam ti Thái Lan leh anăn nao ai hŏng klei đĭ kyar dhar kreh Việt Nam ti Thái Lan mjing tur knơ̆ng mđĭ ai ktang mjĕ êrô mnuih ƀuôn sang dua ala čar.